Endoskopik Onurğa Əməliyyatının üstünlükləri

Endoskopik onurğa əməliyyatı son illərdə tibb sahəsində inqilabi yeniliklərdən biri olaraq qəbul edilir. Bu metod klassik açıq cərrahiyyə əməliyyatlarına nisbətən daha az invazivdir və pasiyentlər üçün çoxsaylı üstünlüklər təklif edir. Neyrocərrahların tibbi praktikasında bu cərrahiyyə metodu geniş istifadə edilir və onun sayəsində çoxlu sayda pasiyent sıxıntılarından azad olub. Bu prosedur xüsusilə uzun müdətdir onurğa problemlərindən əziyyət çəkən insanlar üçün effektiv bir həll yolu hesab edilir.

Endoskopik onurğa cərrahiyyəsi əməliyyat risklərini minimuma endirərək pasiyentlərin bərpa prosesini xeyli tezləşdirir. Əməliyyat minimal kəsik vasitəsilə aparıldığı üçün qan itkisinin az olması, ağrının minimum səviyyəyə endirilməsi və yara izinin kiçik olması kimi üstünlərə malikdir. Bundan başqa, pasiyentlər əməliyyatdan sonra daha tez adi həyat tərzinə qayıda bilirlər və uzun müdət reabilitasiya prosesinə ehtiyac duymurlar.

Həyata keçirilən endoskopik onurğa əməliyyatları, onurğa xəstəliklərindən əziyyət çəkən pasiyentlər üçün yeni və daha təhlükəsiz bir ümid qapısı açır. O, müasir tibbi texnologiyalar və öz sahəsində geniş təcrübəsi sayəsində pasiyentlərə fərdi yanaşma tətbiq edərək, hər bir şəxsin probleminə uyğun ən effektiv müalicə metodunu seçir.

Endoskopik onurğa əməliyyatı nədir?

Endoskopik onurğa əməliyyatı, onurğa sütunu və sinir sistemini minimal invaziv yolla müalicə etmək üçün kiçik kəsik vasitəsilə yerinə yetirilən cərrahiyyə prosedurudur. Bu metodda cərrah kiçik bir kamerayla təchiz olunmuş endoskop adlanan incə borucuqdan istifadə edir. Endoskopik onurğa əməliyyatı müxtəlif onurğa xəstəliklərinin və problemlərinin müalicəsində uğurla tətbiq edilir. Bu metod pasiyentlər üçün ən az riskli və daha tez sağalma imkanı təqdim edir. Əsasən aşağıdakı hallarda tətbiq edilir:

Disk hərniləri (bel və boyun nahiyəsindəki disk yırtıqları) – Onurğa disklərinin degenerasiyası və ya travma nəticəsində sinirlərə təzyiq göstərməsi bel və boyun nahiyəsində ağrılar, uyuşma və hərəkət məhdudiyyəti ilə müşayiət olunur. Endoskopik əməliyyat sayəsində disk yırtıqları minimal invaziv üsulla aradan qaldırılır.
Onurğa stenozu (onurğa kanalının daralması) – Onurğa kanalında daralma baş verdikdə sinirlərə təzyiq artaraq ayaqlarda və qollarda uyuşma, zəiflik və ağrılar yaranır. Endoskopik cərrahiyyə metodu vasitəsilə daralan sahələr genişləndirilir və sinir sıxılması aradan qaldırılır.
Onurğa sıxışmaları – Onurğa və sinir köklərinə təzyiq göstərən patoloji dəyişikliklər hərəkət məhdudiyyəti və şiddətli ağrılar yaradır. Minimal invaziv müdaxilə ilə sinir sıxışmaları aradan qaldırılır və pasiyentlər rahatlıq qazanır.
Radikulopatiya və nevroloji problemlər – Sinir köklərinin sıxılması nəticəsində yaranan ağrı, yanma hissi, uyuşma və əzələ zəifliyi kimi problemlərin həllində endoskopik onurğa əməliyyatı effektiv nəticə verir. Bu metod sinir kökləri üzərindəki təzyiqi aradan qaldıraraq pasiyentin həyat keyfiyyətini artırır.
Onurğa sütununun travmatik zədələri – Qəzalar, yıxılmalar və digər travmalar nəticəsində onurğada yaranan problemlərin müalicəsində endoskopik metod effektiv tətbiq edilir. Bu üsul, zədə alan toxumaların bərpasını təmin edərək onurğa funksiyasının bərpa olunmasına kömək edir.

Endoskopik onurğa əməliyyatı yüksək dəqiqliklə həyata keçirilən minimal invaziv bir metod olub, pasiyentlərin ən qısa müddətdə normal həyat tərzinə qayıtmasını təmin edir. Bizim praktikamızda bu əməliyyatın uğurlu tətbiqi sayəsində bir çox pasiyent uzun müddətdir çəkdiyi ağrılardan azad olmuşdur.

Üstünlükləri

Endoskopik onurğa əməliyyatının ən böyük üstünlükləri bunlardır:

Minimal invazivlik: Klassik cərrahiyyə metodlarıyla mùqayisədə daha kiçik kəsik edilir, qan itkisinin minimal olması təmin edilir.
Tez bərpa dövrü: Pasiyent əməliyyatdan sonra daha az vaxt xəstəxanada qalır və qısa zamanda adi həyata qayıda bilir.
Ağrının az olması: Kiçik kəsik sayəsində əməliyyatdan sonrakı ağrı minimal olur.
Kiçik yara izi: Estetik cəhətdən daha gözəl nəticə alınır.
Fiziki aktivliyə tez qayıdış: Xüsusilə idmançılar və aktiv həyat tərzi sürən insanlar üçün bu metod daha səmərəlidir.

Bərpa prosesi

Endoskopik onurğa əməliyyatından sonra pasiyentlər üçün bərpa prosesi olduqca sürətlidir və minimal diskomfortla keçir. Adətən, pasiyentlər əməliyyatdan sonra 24-48 saat içində evə buraxıla bilir. Əməliyyatdan sonra yaranan yüngül ağrılar xüsusi ağrıkəsicilər vasitəsilə asanlıqla idarə olunur. Bərpa dövrü boyunca pasiyentlərə yüngül fiziki fəaliyyətlər, məsələn, gəzinti və xüsusi məşqlər tövsiyə edilir. Fizioterapiya və yumşaq hərəkətlər bərpa prosesini sürətləndirərək mövcud problemlərin tam aradan qalxmasına yardımcı olur. Əməliyyatdan sonrakı ilk həftələrdə ağır fiziki işlərdən, uzun müddət oturmaqdan və qəfil hərəkətlərdən çəkinmək tövsiyə edilir. Həkimin məsləhətlərinə uyğun şəkildə reabilitasiya proqramına əməl edən pasiyentlər bir neçə həftə ərzində normal həyat fəaliyyətinə qayıda bilirlər.

Tam fəaliyyətə qayıdıldıqdan sonra pasiyentlər adi həyat tərzinə davam edə bilir və hərəkət məhdudiyyətlərindən azad olurlar. Endoskopik onurğa əməliyyatları sayəsində pasiyentlər uzun müddətdir hiss etdikləri ağrı və narahatlıqlardan qurtularaq, daha sağlam və aktiv həyat tərzinə qovuşurlar. Neyrocərrahların rəhbərliyi altında icra edilən endoskopik onurğa əməliyyatları pasiyentlər üçün təhlükəsiz, effektiv və minimal riskli həll yolu təklif edir. Klinikamızda bu sahədə yüksək ixtisaslı mütəxəssislər çalışır və hər bir pasiyentə fərdi yanaşma tətbiq edilir. Əməliyyat haqqında tam məlumat almaq, konsultasiya üçün klinikamıza müraciət edə bilərsiniz. Sağlamlığınızı peşəkar həkimlərə etibar edin!

Sizin sağlamlığınız mənim naliyyətimdir!

Neyrocərrah Bəhruz Eyvazov