Onurğa cərrahiyyəsində beynəlxalq təcrübə

Onurğa cərrahiyyəsi sahəsində yeniliklər və elmi-praktiki təcrübələrin öyrənilməsi müasir tibbin əsas prioritetlərindən biridir. Bu sahədə son illərdə əldə edilən texnoloji irəliləyişlər, minimal invaziv cərrahiyyə metodlarının inkişafı və robotik texnologiyaların tətbiqi onurğa əməliyyatlarının daha təhlükəsiz və effektiv olmasına imkan yaradır. Dünyanın aparıcı səhiyyə mərkəzlərində tətbiq edilən yeni yanaşmalar, xəstələrin daha qısa müddətdə reabilitasiya olunmasına, əməliyyat sonrası ağırlaşmaların azalmasına və ümumi müalicə prosesinin daha keyfiyyətli həyata keçirilməsinə şərait yaradır.

Bu məqsədlə tanınmış baş, beyin və onurğa cərrahı Bəhruz Eyvazov Cənubi Koreyanın aparıcı onurğa mərkəzində beş həftəlik təkmilləşdirmə kursunu uğurla tamamladı.

Beynəlxalq səviyyədə tanınan onurğa cərrahı Prof. Dr. C.W. Park və onun komandası ilə sıx əməkdaşlıq çərçivəsində baş tutan bu kurs müddətində müasir onurğa cərrahiyyəsi üzrə ən son metodlar, minimal invaziv cərrahi yanaşmalar və innovativ texnologiyalardan istifadə üzrə dəyərli biliklər əldə edildi.

Bəhruz Eyvazov kurs çərçivəsində əldə etdiyi biliklərin və təcrübələrin Azərbaycan tibb sahəsində tətbiqinin vacibliyini vurğulayaraq bunları bildirib:

"Onurğa cərrahiyyəsi ilə əlaqəli təkmilləşdirmə kursu 31 yanvarda sona çatdı. Bu sahədə bütün dünyada tanınan Prof. Dr. C.W. Park və onun komandası ilə beş həftə boyunca çalışmaq və onlardan bu işin incəliklərini öyrənmək mənim üçün böyük bir şərəf idi. Bu müddət ərzində göstərdikləri dəstək və nəzakətli davranışlarına görə Prof. Dr. C.W. Park və komandasına təşəkkür edir, minnətdarlığımı bildirirəm."

Onurğa cərrahiyyəsinin inkişafında mühüm rol oynayan bu cür beynəlxalq təcrübələr, Azərbaycanın səhiyyə sistemində daha keyfiyyətli və effektiv müalicə üsullarının tətbiqinə töhfə verəcək. Bəhruz Eyvazovun əldə etdiyi biliklər və bacarıqlar gələcəkdə onurğa xəstəliklərinin daha uğurlu müalicəsinə və xəstələrin həyat keyfiyyətinin yüksəldilməsinə xidmət edəcəkdir.

Endoskopik onurğa cərrahiyyəsinin mahiyyəti

Endoskopik onurğa cərrahiyyəsi müasir tibbin neyrocərrahiyyə sahəsində əldə etdiyi ən mühüm yeniliklərdən biridir. Bu üsul açıq cərrahi əməliyyatlara alternativ olaraq, minimal invaziv texnikalara əsaslanır və pasiyentlərə daha sürətli bərpa müddəti, az ağrı və minimal risklər təqdim edir.

Endoskopik onurğa cərrahiyyəsinin tətbiq sahələri

Fəqərəarası disk yırtıqları

Spinal stenoz (onurğa kanalının daralması)

Degenerativ dəyişikliklər və spondiloz

Onurğa travmaları və qırılmaları

Seçilmiş hallarda onurğa şişləri

Endoskopik onurğa cərrahiyyəsinin mahiyyəti

Endoskopik cərrahiyyə onurğada meydana gələn problemlərin, xüsusən də fəqərəarası disk yırtıqları, spinal stenoz, degenerativ xəstəliklər və bəzi onurğa şişlərinin müalicəsində istifadə edilir. Bu prosedur zamanı neyrocərrah xüsusi endoskopik alətlər və yüksək dəqiqlikli kamera vasitəsilə kiçik bir dəlikdən daxil olaraq əməliyyatı icra edir. Ənənəvi açıq cərrahiyyədə böyük kəsiklər tələb olunduğu halda, endoskopik cərrahiyyədə cəmi bir neçə millimetr diametrində dəlik açılır. Bu, ətraf toxumalara minimal təsir göstərir və infeksiya riskini əhəmiyyətli dərəcədə azaldır.

Endoskopik onurğa cərrahiyyəsi, neyrocərrahiyyə sahəsindəki ən müasir və effektiv üsullardan biridir. Bu metod pasiyentlər üçün daha təhlükəsiz, rahat və sürətli sağalma imkanı təqdim edir. Neyrocərrahların təcrübəsi və texnologiyanın inkişafı sayəsində EOC gələcəkdə daha geniş tətbiq sahəsi tapacaq və onurğa problemlərinin müalicəsində əsas üsullardan birinə çevriləcəkdir. Əgər siz və ya yaxınlarınız onurğa problemlərindən əziyyət çəkirsinizsə, müasir minimal invaziv üsullar haqqında ətraflı məlumat almaq üçün neyrocərrah həkimə müraciət etməyiniz tövsiyə olunur.

Sizin sağlamlığınız mənim naliyyətimdir!

Neyrocərrah Bəhruz Eyvazov